କମଳା ବିକାଳି ଏବଂ ପଦ୍ମଶ୍ରୀ ପୁରସ୍କାର ! ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ସତ୍ୟ

ବ୍ୟକ୍ତିର ବ୍ୟକ୍ତିତ୍ଵ ତାହାର ବୃତ୍ତିରୁ ଜଣାଯାଏନାହିଁ । ସେ ଗରିବ ବୃତ୍ତିରୁ ହୋଇପାରେ କିନ୍ତୁ ମାନସିକତାରେ ନୁହେଁ । କେବଳ ପରିଶ୍ରମ ଏବଂ ନିଷ୍ଠାର ଆବଶ୍ୟକତା ଜରୁରୀ ହୋଇଥାଏ । ଏ.ପି.ଜେ. ଅବ୍ଦୁଲ୍ କଲାମ୍ ଙ୍କ ଠାରୁ ଆରମ୍ଭ କରି ଆଜିର ପ୍ରଧାନ ମନ୍ତ୍ରୀ ଶ୍ରୀଯୁକ୍ତ ନରେନ୍ଦ୍ର ମୋଦିଙ୍କ ପର୍ଯ୍ୟନ୍ତ ସମସ୍ତେ ଗରିବରୁ ଜଣେ ଜଣେ ଦିଗ୍ଗଜ ହୋଇପାରିଛନ୍ତ । ତେଣୁ ସବୁଠାରୁ ଶକ୍ତିଶାଳି ହେଉଛି ସମୟ ।

ଆଉ ଏହି କଥାକୁ ଏବେ ସତ କରି ଦେଖାଇଛନ୍ତି ଜଣେ ୬୪ ବର୍ଷୀୟ ବୃଦ୍ଧ । ସେ ନିଜେ ପାଠ ପଢିନଥିଲେ, ହେଲେ ଶିକ୍ଷା କ୍ଷେତ୍ରରେ ତାଙ୍କର ଯୋଗଦାନ ପାଇଁ ତାଙ୍କୁ ମିଳିଛି ସମ୍ମାନଜନକ ପଦ୍ମଶ୍ରୀ ପୁରସ୍କାର । ରାଷ୍ଟ୍ରପତି ରାମନାଥ କୋବିନ୍ଦ ତାଙ୍କୁ ନିଜ ହାତରେ ଦେଇଛନ୍ତି ଏହି ସମ୍ମାନ ।

କର୍ଣ୍ଣାଟକର ହରେକାଲା ହଜ୍ଜବା ତାଙ୍କ ଅଞ୍ଚଳରେ ‘ଅକ୍ଷର ସନ୍ଥ’ ନାମରେ ବେଶ ଜଣାଶୁଣା । ତାଙ୍କ ଗାଁ ନାଁ ହେଉଛି ନ୍ୟୁପାଡାପୁ । ଯେଉଁଠି ସ୍ୱାଧୀନତାର ବହୁ ବର୍ଷ ପରେ ସ୍କୁଲଟିଏ ମଧ୍ୟ ଖୋଲିପାରିନଥିଲା । ଏହାର ଫଳସ୍ୱରୂପ ସ୍କୁଲ ଯାଇ ପାଠ ପଢିପାରିନଥିଲେ ହରେକାଲା । ପାଠ ନପଢିବା କାରଣରୁ ସେ ତାଙ୍କ ଅଞ୍ଚଳରେ ଗୋଟିଏ ଫଳ ଦୋକାନ ଖୋଲି ସେଠାରେ କମଳା ବିକ୍ରି କରୁଥିଲେ । ହେଲେ ଦିନେ କିଛି ବିଦେଶୀ ତାଙ୍କ ଫଳର ଦାମ ପଚାରିବାରୁ ସେ ଇଂରାଜୀରେ କହିପାରିନଥିଲେ । ଆଉ ଏହି କଥା ତାଙ୍କୁ ବହୁତ ଦୁଃଖ ଦେଇଥିଲା ।

ସେ ତାଙ୍କ କଷ୍ଟ ଅର୍ଜିତ ଧନରେ ୨୦୦୦ ମସିହାରେ ନିଜେ ଗୋଟିଏ ସ୍କୁଲ ଖୋଲି ସେଠାରେ ପିଲାଙ୍କ ପାଠ ପଢା ପାଇଁ ବ୍ୟବସ୍ଥା କରିଥିଲେ । ଯେଉଁଠି ଏବେ ତାଙ୍କ ଗାଁର ପିଲାମାନେ ପାଠ ପଢି ଶିକ୍ଷିତ ହୋଇପାରିଛନ୍ତି । ଶିକ୍ଷା କ୍ଷେତ୍ରରେ ତାଙ୍କର ଏହି ଅବଦାନକୁ ସମ୍ମାନ ଜଣାଇ ଆଜି ଭାରତ ସରକାର ତାଙ୍କୁ ପଦ୍ମଶ୍ରୀ ସମ୍ମାନରେ ସମ୍ମାନିତ କରିଛନ୍ତି । ରାଷ୍ଟ୍ରପତି ଭବନରେ ଆୟୋଜିତ ସ୍ୱତନ୍ତ୍ର ଉତ୍ସବରେ ରାଷ୍ଟ୍ରପତି ରାମନାଥ କୋବିନ୍ଦ ହରେକାଲାଙ୍କୁ ସମ୍ମାନିତ କରିଛନ୍ତି ।

PresidentKovind presents Padma Shri to Shri Harekala Hajabba for Social Work. An orange vendor in Mangalore, Karnataka, he saved money from his vendor business to build a school in his village.

ଆପଣଙ୍କୁ ଆମ ଲେଖା କିପରି ଲାଗୁଛି ତଳେ କମେଣ୍ଟ ବକ୍ସ ରେ ଜଣାନ୍ତୁ