ମାଡ଼ି ଆସୁଛି ସୌର ଝଡ଼ - ଅକାମି ହୋଇଯିବ ମୋବାଇଲ ଫୋନ ! ବିମାନଯାତ୍ରୀ, ପାଓ୍ବାର ଗ୍ରୀଡ୍ ଓ ରେଡିଓ ଯୋଗାଯୋଗକୁ ବଡ଼ କ୍ଷତି ହେବା ସମ୍ଭାବନା

ସାରା ବିଶ୍ୱ କରୋନା ଭାଇରସ କବଳରେ ରହିଛି । ଲକ୍ଷ ଲକ୍ଷ ଲୋକଙ୍କ ଜୀବନ ନେଲାଣି କୋଭିଡ- ୧୯ । ଏହାମଧ୍ୟରେ ଆଉ ଏକ ଖରାପ ଖବର ସାମ୍ନାକୁ ଆସୁଛି । ଏତଦ୍ ବ୍ୟତୀତ ଫଙ୍ଗସ୍‌ ରୋଗ ଏବଂ  ପ୍ରାକୃତିକ ବିପର୍ଯୟ ମଧ୍ୟ ପିଛା ଛାଡୁ ନାହିଁ କିଛି ସ୍ଥାନରେ । ଏହି ସମୟରେ ଜଳବାୟୁ ପରିବର୍ତ୍ତନ ଦ୍ୱାରା ପୃଥିବୀ ଉପରେ ଆଉ ଏକ ବିପଦ ମାଡି ଆସୁଛି 'ସୌର ଝଡ' ।

ଗତ କିଛିଦିନ ହେବ ସୂର୍ଯ୍ୟ ପୃଷ୍ଠରୁ ଅନେକ ଉତ୍ତପ୍ତ ଗ୍ୟାସ୍ ବାହାରୁଛି । ଯାହାର ପ୍ରଭାବ ପୃଥିବୀ ଉପରେ ପଡିବାର ସମ୍ଭାବନା ଅଧିକ ରହିଛି । ଏହି ଗ୍ୟାସକୁ କରୋନାଲ୍ ମାସ୍ ଇଜେକ୍ସନ୍ କୁହାଯାଏ । ଏହା ଏତେମାତ୍ରାରେ ପ୍ରଭାବି ନୁହେଁ ଯେ ପୃଥିବୀରେ କୌଣସି ବଡ ଧରଣର କ୍ଷତି କରିବ । କିନ୍ତୁ ଏଥିରେ ଚୁମ୍ବକୀୟ ଝଡ ସୃଷ୍ଟି ହୋଇପାରେ । ଯାହାକୁ ନେଇ ବୈଜ୍ଞାନିକମାନେ ମଧ୍ୟ ଦ୍ୱନ୍ଦ୍ୱରେ ପଡିଛନ୍ତି ।

ଏହି ଚୁମ୍ବକୀୟ ଝଡ ହେବା ଫଳରେ ପୃଥିବାରେ ମୋବାଇଲରେ ଅନେକ ଯୋଗାଯୋଗ ପ୍ରକ୍ରିୟା, ରେଡିଓ କମ୍ୟୁନିକେସନ, ପାଓ୍ୱାର ଗ୍ରୀଡ୍ ଆଦି ପ୍ରଭାବିତ ହେବ । ଏପରିକି ବିମାନଯାତ୍ରୀ ଓ ବିମାନ କର୍ମଚାରୀଙ୍କ ପାଇଁ ଏହା ଅଧିକ ବିପଦ ସୃଷ୍ଟି କରିବ । ଆଉ କିଛି ବର୍ଷ ପରେ ସୌର ଝଡ ଓ ଚୁମ୍ବକୀୟ ଝଡ ଆଦି ସାଧାରଣ କଥା ପାଲଟିବ । ଲଗାତର ଭାବେ ଏପରି ଝଡ ସୃଷ୍ଟି ହେବ । ପୂର୍ବରୁ ୧୭ ବର୍ଷ ତଳେ ପୃଥିବୀ ଉପରେ ସୌର ଝଡର ପ୍ରଭାବ ପଡିଥିଲା ।

ଏହି ସୌର ଝଡ ପ୍ରଭାବରେ ପୃଥିବୀରେ କମ୍ୟୁନିକେସନ ସିଷ୍ଟମ ବା ଯୋଗାଯୋଗ ପ୍ରକ୍ରିୟା ଉପରେ ପ୍ରଭାବ ପଡିବ । ଏପରିକି ଜିପିଏସ ସେବା ଉପରେ ମଧ୍ୟ ପ୍ରଭାବ ପକାଇବାର ସମ୍ଭାବନା ରହିଛି । ବିମାନ ଯାତ୍ରା ବେଳେ କର୍ମଚାରୀମାନେ ମଧ୍ୟ ଭୁଲ ଯୋଗାଯୋଗର ଶିକାର ହୋଇପାରନ୍ତି ।

ଏହାକୁ ବି ପଢ଼ନ୍ତୁ - History of the Red Cross

ଅଧିକ ଖବର ପାଇଁ କ୍କିକ୍ କରନ୍ତୁ - Pranam news

ଦୟାକରି ଏହି ଖବରକୁ ସେୟାର କରନ୍ତୁ ଏବଂ ଆମର ଫେସବୁକ୍ ପେଜ୍ "ପ୍ରଣାମ ନ୍ୟୁଜ୍" କୁ ଲାଇକ୍ କରନ୍ତୁ |

 ବର୍ତ୍ତମାନ କୁ ଆପରେ ପ୍ରଣାମ ନ୍ୟୁଜ୍ ମଧ୍ୟ ଉପଲବ୍ଧ .... ଦୟାକରି ଅନୁସରଣ କରନ୍ତୁ ଏବଂ ଆପଣଙ୍କର ମତାମତ ଦିଅନ୍ତୁ ...

ଧନ୍ୟବାଦ🙏