କଟକ କଲେଜ ରେଡକ୍ରସ ତରଫରୁ ରକ୍ତଦାନ ଶିବିର ଅନୁଷ୍ଠିତ

By Satyabrata panigrahi
ବିଦ୍ୟାଧରପୁରସ୍ଥିତ କଟକ ମହାବିଦ୍ୟାଳୟ ରେଡ୍ କ୍ରସ୍ ୟୁନିଟ ତରଫରୁ ବିଶ୍ଵ ରେଡକ୍ରସ୍ ଦିବସ ଅବସରରେ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି। କଲେଜ ଅଧ୍ୟକ୍ଷ ଡକ୍ଟର କେଶବଚନ୍ଦ୍ର ସାହୁଙ୍କ ଦିଗଦର୍ଶନରେ ଓ ରେଡ୍ କ୍ରସ୍ ଅଫିସର ଅଧ୍ୟାପକ କୁମାର ପ୍ରଦୀପ୍ତ ମିଶ୍ରଙ୍କ ସଂଯୋଜନାରେ କଟକ ରେଡ୍ କ୍ରସ୍‌ ବ୍ଲଡ୍ ବ୍ୟାଙ୍କ୍ ଠାରେ ଏହି ଶିବିରର ଆୟୋଜନ କରାଯାଇଥିଲା।
 ଅଧ୍ୟକ୍ଷ ଡକ୍ଟର ସାହୁ ପ୍ରଥମେ ରକ୍ତଦାନ କରି କାର୍ଯ୍ୟକ୍ରମର ଶୁଭାରମ୍ଭ କରିବା ସହ ରକ୍ତଦାନ ସର୍ବଶ୍ରେଷ୍ଠ ପୂଣ୍ୟ କାର୍ଯ୍ୟ ବୋଲି ମତବ୍ୟକ୍ତ କରିଥିଲେ। ଅତିରିକ୍ତ ଜିଲ୍ଲାପାଳ ବିଜୟ କୁମାର ଖଣ୍ଡାୟତ ରାୟ ଜିଲ୍ଲା ଜରୁରୀ କାଳୀନ ଅଧିକାରୀ ରାଜଲକ୍ଷ୍ମୀ ବିଶ୍ବାଳ, ବ୍ଲଡ୍ ବ୍ୟାଙ୍କ୍ ନିର୍ଦେଶକ ଡାକ୍ତର ଚନ୍ଦ୍ରିକା ପ୍ରସାଦ ଦାସ, ଡାକ୍ତର ରଘୁନାଥ ବେହେରା ପ୍ରମୁଖ ଶିବିର ପରିଦର୍ଶନ କରି ରକ୍ତଦାତାଙ୍କୁ ଉତ୍ସାହିତ କରିଥିଲେ।
 ରେଡ୍ କ୍ରସ୍ ରାଜ୍ୟ ସଂଯୋଜକ ଗୋପାଳକୃଷ୍ଣ ମିଶ୍ର ଓ ଡିଷ୍ଟ୍ରିକ୍ଟ କନଭେନର ସେକ୍ରେଟାରୀ ଡଃ ସସ୍ମିତା ପଟ୍ଟନାୟକ ଏହି ଧାରା ବଜାୟ ରଖିବା ସହ ଅଧିକ ସଚେତନତା ସୃଷ୍ଟି ନିମନ୍ତେ ପରାମର୍ଶ ଦେଇଥିଲେ। କଲେଜ ଅଧ୍ୟକ୍ଷ, ରେଡ୍ କ୍ରସ୍ ଅଫିସର ଓ ଅଫିସ୍ ସହାୟକ ନାରାୟଣ ମହାରଣାଙ୍କ ସମେତ ୧୮ ଜଣ ରକ୍ତଦାତା ରକ୍ତଦାନ କରିଥିଲେ। ବ୍ଲଡ୍ ବ୍ୟାଙ୍କ୍ ତରଫରୁ ଅବିନାଶ ଦାଶ, ଭାଗ୍ୟଧର ସାହୁ ଓ ପ୍ରଶାନ୍ତ କୁମାର ପ୍ରମୁଖ ଉପସ୍ଥିତ ଥିଲେ। ଏହି କାର୍ଯ୍ୟକ୍ରମରେ କଲେଜର ସମସ୍ତ ଅଧ୍ୟାପକ ଅଧ୍ୟାପିକା ଏବଂ କର୍ମଚାରୀ ଯୋଗ ଦେଇଥିଲେ । ରାଜୀବ ସ୍ୱାଇଁ, ଶ୍ରେୟା ମହାରଣା, ଅନାମିକା ରାଉତରାୟ, କୁଲଦୀପ ମହାନ୍ତି, ସତ୍ୟଜିତ ପୃଷ୍ଟି, ସତ୍ୟବ୍ରତ ପାଣିଗ୍ରାହୀ ଶିବିର ପରିଚାଳନାରେ ସହାୟତା କରିଥିଲେ। ପରିଶେଷରେ ସମସ୍ତ ରକ୍ତ ଦାତା ମାନଙ୍କୁ ଧନ୍ୟବାଦ ପ୍ରଦାନ କରାଯାଇ ଶିବିର ଭଙ୍ଗ କରାଯାଇଥିଲା।



ଆମ website କୁ Google ରେ ସର୍ଚ୍ଚ କରନ୍ତୁ - www.newspranamindia.blogspot.com

Comments

Post a Comment

Popular posts from this blog

ହୃଦୟର ମଣିଷଟିଏ

By Satyabrata panigrahi
Image
ଥରେ ଚିନ୍ତା କରି ଦେଖନ୍ତୁ, ଆମେ ସବୁବେଳେ ଖୋଜିଥାଉ ଜଣେ ଏଭଳି ଏକ ମଣିଷ ଟେ ଯିଏ କି ସଭିଙ୍କ ଠୁ ହୋଇଥିବ କିଛି ନିଆରା, ଏମିତି ଜଣେ ବ୍ୟକ୍ତି ବିଶେଷ ଯେ ଲାଗୁଥିବ ନିଜ ଆତ୍ମୀୟ ଭଳି, ଯେ କି ସବୁ ସମୟରେ ଭଲ ମନ୍ଦ ବୁଝିପାରୁଥିବ, ଯାହାର ସ୍ପର୍ଶ ମାତ୍ରକେ ସବୁ କିଛି ଭୁଲି ଯିବାକୁ ହୃଦୟ କହୁଥିବ, ଏଭଳି ଜଣେ ଭଲ ଲାଗୁଥିବା ମଣିଷ ଟିଏ ! ଏଭଳି ଜଣେ ମଣିଷଟିଏ ଖୋଜି ବୁଲୁ ବୁଲୁ ଲାଗିଯାଏ ଜଣଙ୍କ ପ୍ରତି ଏ ନିଷ୍ଠୁର ମନ ଟେ । ଏବଂ ପ୍ରସ୍ପୁଟିତ ହୁଏ ଅଜସ୍ର ଭଲ ପାଇବା । କିନ୍ତୁ ଆଜିର ଏହି ସ୍ବାର୍ଥ ପର ଦୁନିଆ ରେ ସ୍ବାର୍ଥ ସ୍ୱରୂପ ବିରାଟ ବିରାଟ ଅଳିଆ ଗଦା ର ପାହାଡ଼ ଭିତରୁ ଜଣେ ଏମିତି କା ମୋତି କୁ ଖୋଜିବା ସହଜ ନ ଥାଏ । ଏହି ସ୍ୱାର୍ଥର ପାହାଡ଼ ଭିତ ରେ ଭଲ ର ମୁଖା ପିନ୍ଧା ସୈତାନ୍ ଙ୍କ ଭିତରୁ ଏମିତି ଏକ ମଣିଷ ଟିକୁ ଖୋଜିବା ହୋଇଥାଏ ଅନେକ ଦିନ ଆଉ ଅନେକ ସମୟ । ଆଉ ହଠାତ୍ ଦିନେ ମିଳି ଯାଏ ଏମିତି ଏକ ଭଲ ଲାଗୁଥିବା ମଣିଷ । କିନ୍ତୁ ସ୍ବପ୍ନ ରେ ହିଁ ରହିଯାଏ ସେଇ ମଣିଷ ଟିଏ। କିଛି କହିବାକୁ ଲାଗୁଥାଏ ଡର। କାଳେ କିଛି କହିଲେ ହୋଇଯିବ କି ଦୂର । ମନରେ ରହି ଯାଏ ଅନେକ ସଂଶୟ। କଥା ତ ହୁଏ ହେଲେ ମଧ୍ୟ ଲାଗୁଥାଏ ଭୟ, କାଳେ ହୋଇ ଯିବ କି ସେ ଦୂର । ଖାଲି ଆଶା ଥାଏ ପାଇବାର, ଅପେକ୍ଷା ରେ ରହିଯାଏ ସମୟର ।
Read more

ଯେଉଁ ବନ୍ଧନର ଅନ୍ତ ନାହିଁ ସେଇ ବନ୍ଧନ "ମାଆ"

By Satyabrata panigrahi
Image
ମା ଏବଂ ମାତୃତ୍ୱର ସନ୍ତାନ ସହିତ ଥିବା ଏକ ଅଦୃଶ୍ୟ ବନ୍ଧନକୁ ଦୁନିଆ ସାମ୍ନାରେ ସ୍ମରଣ କରାଇବା ନିମନ୍ତେ ମେ ମାସର ଦ୍ୱିତୀୟ ରବିବାର କୁ ଆନ୍ତର୍ଜାତୀୟ ମାତୃଦିବସ ଭାବରେ ସାରା ବିଶ୍ଵ ପାଳନ କରିଥାଏ । ଏହା ପାଳନ କରାଯିବାର ମୁଖ୍ୟ ଉଦ୍ଦେଶ୍ଯ ହେଉଛି ମାତୃ ଶକ୍ତିର ଆବଶ୍ୟକତା କୁ ସାରା ବିଶ୍ଵକୁ ଜଣାଇଦେବା । ପୁତ୍ର ଯେତେ ଭୁଲ୍ କରୁ ଯେତେ କଷ୍ଟ ଦେଉ ପଛେ ମା ସାମ୍ନା ରେ ପୁତ୍ର ପ୍ରତି ସ୍ନେହ, ଆଦର, ମମତା କେବେବି କମି ନ ଥାଏ । ସେଥି ପାଇଁ ତ ମା କୁ ମମତାମୟୀ ର ଆଖ୍ୟା ଦିଆ ଯାଏ । କିନ୍ତୁ ବେଳେ ବେଳେ ସନ୍ତାନ ଏହାକୁ ଠିକ୍ ଭାବରେ ବୁଝିପାରେ ନାହିଁ । ଏବଂ ମାକୁ ଆଦର କରେ ନାହିଁ। ଫଳ ସ୍ଵରୂପ ମମତାମୟୀ ମା ହୋଇଯାଏ ନିରାଶ । କିନ୍ତୁ ତଥାପି ତାର ମନରେ ନ ଥାଏ ସନ୍ତାନ ପ୍ରତି କିଛି ଦୁର୍ଭାବନା । ସେ ତଥାପି ନିଜ ସନ୍ତାନ ପାଇଁ ନିଜର ସର୍ବସ୍ଵ ତ୍ୟାଗ କରିଦେଇଥାଏ । ସେଥି ପାଇଁ ତ ମା ମହାନ ହୋଇଥାଏ।     ଯେତେବେଳେ ସନ୍ତାନ କୌଣସି ବିପଦରେ ଫସି ଯାଏ, ସେତେବେଳେ ସମସ୍ତେ କେବଳ ପରିହାସ କରିବା ସହ ବିଭିନ୍ନ ପ୍ରକାରର କଥା କହିଥାଆନ୍ତି କିନ୍ତୁ ଗୋଟିଏ ମା ଏହାକୁ ଠିକ୍ ବୁଝିପାରେ ଏବଂ ସନ୍ତାନର କଷ୍ଟକୁ ନିଜ କଷ୍ଟ ମନେ କରିଥାଏ । ସେଥି ପାଇଁ ତ ମା ହେଉଛି ମହାନ୍ । ଏବଂ ଏହି ମା ର ଯତ୍ନ ନେବା ଆମର କର୍ତ୍ତବ୍ୟ ।    ଏ ସବୁ କଥା ଆଲୋଚନା କଲା ବେଳେ ମନେ ପଡିଯାଏ ତ୍ରେତୟା ଯୁଗର ଶ୍ରୀରା...
Read more

କଟକ କଲେଜ୍‌ର YRC ୟୁନିଟ ତରଫରୁ ଅନୁଷ୍ଠିତ ହୋଇଯାଇଛି ବୃକ୍ଷରୋପଣ କାର୍ଯ୍ୟକ୍ରମ

By Satyabrata panigrahi
Image
ପ୍ରକୃତିକ ବିପର୍ଯ୍ୟୟ ବର୍ତ୍ତମାନ ସାରା ବିଶ୍ଵରେ ଅନେକ ମାତ୍ରାରେ ପରିଲକ୍ଷିତ ହେଉଛି । ଜନସଂଖ୍ୟା ବୃଦ୍ଧି ଏବଂ ଆମ ମାନଙ୍କ ବିଳାସ ପୂର୍ଣ୍ଣ ଜୀବନ ଶୈଳି ପାଇଁ ଅନେକ ଭାବରେ ପ୍ରଭାବିତ ହେଉଛି ପରିବେଶ । ଏବଂ ଏହା ଫଳରେ ଅନେକ ସମସ୍ୟା ଦେଖାଦେଉଛି । ଏଥିପାଇଁ ଅନେକ ସମାଜର ମହାନ ବଦାନ୍ୟ ବ୍ୟକ୍ତି ଏବଂ ସଂସ୍ଥା ସଚେତନତା ପାଇଁ ପଚେଷ୍ଟା କରୁଛନ୍ତି । ଏଥିରେ କଟକ କଲେଜ ୟୁନିଟ୍ ମଧ୍ୟ ସଂଶ୍ଲିଷ୍ଟ ହୋଇ ଏହି ମହାନ କାର୍ଯ୍ୟରେ ତାହାର ଅନ୍ତର୍ଭୁକ୍ତି ଯାହିର୍ କରିଆସୁଛି । କଟକ କଲେଜ୍‌ର YRC ୟୁନିଟ ତରଫରୁ ଅନୁଷ୍ଠିତ ହୋଇଯାଇଛି ବୃକ୍ଷରୋପଣ କାର୍ଯ୍ୟକ୍ରମ । ବୃକ୍ଷରୋପଣ ସପ୍ତାହ ଅବସରରେ କଲେଜ୍‌ ପ୍ରାଗଣରେ ଚାରା ରୋପଣ କରାଯିବା ସହିତ ସଚେତନତା କାର୍ଯ୍ୟକ୍ରମ ମଧ୍ୟ ହୋଇଥିଲା । ଏଥିରେ କଲେଜର ଅଧ୍ୟକ୍ଷା ଶ୍ରୀମତୀ ସଂନ୍ଧ୍ୟା କାନୁନ୍‌ଗୋ, ରେଡ୍‌ କ୍ରସ ଅଫିସର ପ୍ରଦୀପ୍ତ ମିଶ୍ର, ଏନ୍ ସି ସି ଅଫିସର ମେଜର ପୂର୍ଣ୍ଣ ଚନ୍ଦ୍ର ସାହୁ ଏବଂ ଇଂରାଜୀ ବିଭାଗର ମୁଖ୍ୟ ଶ୍ରୀମତୀ ପ୍ରଣତୀ ପଟ୍ଟନାୟକ ଉପସ୍ଥିତ ରହି ସ୍ଵେଚ୍ଛା ସେବୀ ମାନଙ୍କୁ ବୃକ୍ଷରୋପଣର ଆବଶ୍ୟକତା ବିଷୟରେ କହିବା ସହ ବୃକ୍ଷରୋପଣ କରିଥିଲେ । ଏହି କାର୍ଯ୍ୟ କ୍ରମରେ କରୋନା ନିୟମ କୁ ମଧ୍ୟ ଧାନ ଦିଆଯାଇଥିଲା । ମାସ୍କ ପିନ୍ଧିବା ସହ ସାମାଜିକ ଦୂରତାକୁ ନେଇ ଅଧିକ ଗୁରୁତ୍ବାରୋପ ଏଥିରେ କରାଯାଇଥିଲା ।  ଏଥିରେ ସ୍ୱେଛାସେବୀ ସତ୍ୟବ୍ରତ ପାଣ...
Read more

ଲକଡାଉନ୍ ସମୟରେ ସାଇବର ଅପରାଧର ଦ୍ରୁତ ବୃଦ୍ଧି: ଅର୍ଣ୍ଣବ ଚକ୍ରବର୍ତ୍ତୀ

By Satyabrata panigrahi
Image
କରୋନା ମହାମାରୀ ଆରମ୍ଭ ହେବା ପରେ ସାଇବର ଅପରାଧ ମଧ୍ୟ ଦ୍ରୁତ ଗତିରେ ବୃଦ୍ଧି ପାଇଛି।  ସାଇବର ଉତ୍ପାଦ ନିର୍ଦ୍ଦେଶକ ଅର୍ଣ୍ଣବ ଚକ୍ରବର୍ତ୍ତୀ କହିଛନ୍ତି ଯେ ଏହାର ସବୁଠାରୁ ବଡ କାରଣ ହେଉଛି ଘର ଏବଂ ଅନଲାଇନ୍ କାରବାରରୁ କାମ।  ସେ କହିଥିଲେ ଯେ 'ଦ୍ୱିତୀୟ କାରଣ ହେଉଛି CAS କାରବାର UPI କାରବାର ହୋଇଛି ଯାହା ଆପଣଙ୍କ ଫୋନରେ ଆସିଛି, ଆପଣ ଫୋନ୍ ମାଧ୍ୟମରେ ଟଙ୍କା ପଠାଉଛନ୍ତି, ଏହା ଆପଣଙ୍କ ବିଶ୍ୱାସ ଉପରେ ଚାଲିଥାଏ |  ସେଠାରେ ଅନେକ ଆର୍ଥିକ ସାଇବର ଠକେଇ ହୋଇଛି |  ଏହି ସମୟ ମଧ୍ୟରେ, ଆପଣ ଅଧିକାଂଶ ସମୟ ଇଣ୍ଟରନେଟରେ ବିତାଇଥିଲେ |  କୋଭିଡ ବିଷୟରେ ସୂଚନା ପ୍ରୟୋଗ କରିବା ଆରମ୍ଭ କଲେ |  ଆମେ ଆମର ଅନୁସନ୍ଧାନରୁ ଜାଣିଲୁ ଯେ କୋଭିଡଙ୍କ ସମୟରେ ସେଠାରେ ଶହ ଶହ ସାଇଟ୍ ମତ୍ସ୍ୟଜୀବୀ ଥିଲେ, ଏଥିରେ କ୍ଲିକ୍ କରିବା ଦ୍ଵାରା ଆପଣଙ୍କ ସିଷ୍ଟମରେ ମାଲୱେର୍ ଡାଉନଲୋଡ୍ ହେବ ଏବଂ ଆପଣଙ୍କ ବିରୁଦ୍ଧରେ ସାମାଜିକ ଇଞ୍ଜିନିୟରିଂ ଆରମ୍ଭ ହେବ ଯାହା ଶୀଘ୍ର କିମ୍ବା ବିଳମ୍ବରେ ଆପଣଙ୍କୁ ହଇରାଣ କରିବ |  ଆମେ ଏହା ମଧ୍ୟ ଜାଣିଛୁ ଯେ ବ୍ୟବହାରକାରୀଙ୍କ ତଥ୍ୟ ମଧ୍ୟ ବିପଦରେ ପଡିପାରେ।   ଜାତୀୟ ରାଜଧାନୀ ଦିଲ୍ଲୀରେ ସାଇବର ଅପରାଧ ବୃଦ୍ଧି ପାଇଛି: ଦିଲ୍ଲୀ ପୋଲିସ  ଶୁକ୍ରବାର ଦିନ ଦିଲ୍ଲୀ ପୋଲିସ ରିପୋର୍ଟ କରିଛି ଯେ ଜାତୀୟ ରାଜଧାନୀରେ ସାଇବର ଅପରାଧ ମାମଲା ମାର୍ଚ୍ଚରେ ପ...
Read more

ସତସଙ୍ଗ ଉଚ୍ଚ ବିଦ୍ୟାଳୟର ୨୦୧୫ ମସିହା ଛାତ୍ରଛାତ୍ରୀ ମାନଙ୍କର ବନ୍ଧୁମିଳନ କାର୍ଯ୍ୟକ୍ରମ ଅନୁଷ୍ଠିତ

By Satyabrata panigrahi
Image
ସତସଙ୍ଗ ଉଚ୍ଚ ବିଦ୍ୟାଳୟର ୨୦୧୫ ମସିହା ଛାତ୍ରଛାତ୍ରୀ ମାନଙ୍କର ବନ୍ଧୁମିଳନ କାର୍ଯ୍ୟକ୍ରମ ତା୦୯/୦୬/୨୦୨୪ରିଖ ରେ ଅନୁଷ୍ଠିତ ହୋଇଯାଇଛି । ଏହି ଅବସରରେ ୪୨ ମୌଜାରେ ଏକ ବଣଭୋଜିର ଆୟଜନ କରାଯାଇଥିଲା । ଆୟୋଜନ ରେ ସମସ୍ତ ସଦସ୍ୟ ମାନେ ଯୋଗ ଦେବା ସହ ପୁରୁଣା ସ୍ମୃତି କୁ ପୁନର୍ବାର ମାନେ ପକାଇବା ସହ ସ୍କୁଲ ସମୟର ସେଇ ସବୁ ଅଭୁଲା ସମୟର ବିଷୟ ଆଲୋଚନାର ପ୍ରସଙ୍ଗ ପାଲଟି ଥିଲା । ଏହି ଅବସରରେ ସମସ୍ତ ସଦସ୍ୟ ତଥା,: ସତ୍ୟବ୍ରତ ପାଣିଗ୍ରାହୀ, ରୋହିତ ଯାଦବ, ମୁକେଶ ଦାସ, ରବିକୃଷ୍ଣ ଦାସ, ମୋନାଲିସା ସ୍ୱାଇଁ, ସନ୍ଧ୍ୟା, ସୌଭାଗିନି, ମହେଶ୍ଵତା, ସାନୁ, ସଞ୍ଜୟ, ଅଭିଜିତ ଦାସ ଙ୍କ ସହ ଅନ୍ୟ ସଦସ୍ୟ ସଦସ୍ୟା ମାନେ ଉପସ୍ଥିତ ଥିଲେ। ସମସ୍ତଙ୍କ ସହଯୋଗରେ ଏହି କାର୍ଯ୍ୟକ୍ରମ ଟି ଶାନ୍ତି ଶୃଙ୍ଖଳାର ସହ ଶେଷ ହୋଇଥିଲା ।
Read more

ଶାଳଗ୍ରାମର ଉତ୍ପତ୍ତି ଏବଂ ଏହାର ଆଧ୍ୟାତ୍ମିକ ତତ୍ତ୍ଵ

By Satyabrata panigrahi
ଶାଳଗ୍ରାମ  :- ଶାଳଗ୍ରାମ ହେଉଛି ଏକ ଜାତିର ପଥର ; ଯାହାକୁ ବୈଜ୍ଞାନିକ ମତରେ ଆମ୍ନୋନାଇଟ୍ କୁହାଯାଏ ; ଯିଏକି ଏକ ଛିଦ୍ରଯୁକ୍ତ କୁଣ୍ଡଳାକାର ଜୀବାଶ୍ମ ଅଟେ। ହେଲେ ହିନ୍ଦୁ ଶାସ୍ତ୍ର ମତେ ଏହା ହେଉଛି ବିଷ୍ଣୁ ଦେବଙ୍କ ଜୀବନ୍ତ ପ୍ରତିମା। ଶାଳଗ୍ରାମ ବିନା କୌଣସି ବିଷ୍ଣୁମନ୍ଦିର ପ୍ରତିଷ୍ଠା ସମ୍ଭବ ନୁହେଁ।  କୌଣସି ବିଷ୍ଣୁମନ୍ଦିର ନୂଆ କରି ତିଆରି ହେଲେ ବିଷ୍ଣୁପ୍ରତିମାର ପ୍ରାଣପ୍ରତିଷ୍ଠା କରିବାକୁ ପଡେ ; ହେଲେ ଶାଳଗ୍ରାମ ବିନା ପ୍ରାଣପ୍ରତିଷ୍ଠାରେ ପୂଜା ପାଇଥାଏ। କେଉଁଠୁ ମିଳେ:- ଶାଳଗ୍ରାମ କେବଳ ନେପାଳ ଅନ୍ତର୍ଗତ ' ମୁକ୍ତିନାଥ ' ନାମକ ସ୍ଥାନରେ ' ଗଣ୍ଡୁକୀ ' ନଦୀ ପଠାରେ ଦେଖିବାକୁ ମିଳିଥାଏ।  ଦ୍ଵାରିକା ସମୁଦ୍ର କୂଳରୁ ମଧ୍ୟ ଏକ ପ୍ରକାର ଧଳା ପଥର ମିଳେ ; ଯାହାକୁ ' ଚକ୍ରନିକା ' କୁହଯାଏ। ଏ ପଥର ମଧ୍ୟ ଶାଳଗ୍ରାମ ସମତୂଲ୍ୟ । ଏହାକୁ ଶାଳଗ୍ରାମ ସହିତ ରଖି ପୂଜା କରାଯାଏ।  ଶାଳଗ୍ରାମ କିପରି ସୃଷ୍ଟି ହୁଏ :- ଗଣ୍ଡୁକୀ ନଦୀରେ ' ବଜ୍ରକୀଟ ' ନାମକ ଏକ ପ୍ରକାର  ବାସ କରନ୍ତି ;  ଯାହାର ଦାନ୍ତ ଓ ନଖ ଗ୍ରାନାଇଟ ଶିଳାଠୁ ଶକ୍ତ ବୋଲି ବିଶ୍ଵାସ ରହିଛି। ସେଇ କୀଟଗୁଡିକ ଏଇ ଶିଳା ଉପରେ ଚକ୍ରାକୃତିର ଚିହ୍ନମାନ ଅଙ୍କନ କରିଥାନ୍ତି। ଏଇ ଚକ୍ର ସବୁ କେବଳ ଶିଳାର ଉପରି ଭାଗରେ ନ ରହି ଶିଳାର ଭିତର ଭାଗରେ ବି ରହିଥାଏ ; କାରଣ ଏଇ କୀଟ ସେଇ ଶିଳା ଭିତରେ ହିଁ ବାସ କରିଥାଏ।  ସେଇ...
Read more