Song of mosquito in Odia

ଆଜିକାଲି ସବୁ ରାଜନୀତିଆ ମୁହଁରେ ହଳ ବୁଲାଉଛନ୍ତି, ହେଲେ ଅଟକାଇ ପାରୁନାହାନ୍ତି ମଶା ।ମୁହଁରେ ହଳ ବୁଲେଇଲେ ଖାଲି କି ହେବ ବଦଳି ଯିବ କି ଦଶା ।

ଆସନ୍ତୁ ଦେଖିବା ଏମିତି ଗୋଟିଏ ବିଷୟକୁ ନେଇ କ'ଣ ଲେଖିଛନ୍ତି ଆମ ଗୌତମ ନନା,

ଏତ କଟକ ସହର ମଶା    ଏତ କଟକ ସହର ମଶା, 

ସଂଧ୍ୟା ହେଲାପରେ ଛଡେଇ ଦେଉଛି

କଟକିଆଙ୍କର ନିଶା

ଏତ କଟକ ସହର ମଶା ॥ ୦ ॥

ଦେଖ ସରକାରଙ୍କର ଦଶା

ନିଜ ପାରିବାପଣିଆ ଘୋଷା

ନିଜ ନାମେ ନିଜେ ପ୍ରଶଂସା କରନ୍ତି

ହେଲେ ମାରି ପାରନ୍ତିନି ମଶା

ଚାଲେ ସବୁବେଳେ ଅଙ୍କ କଷI

କ'ଣ କେମିତି କରିଲେ ହୋଇବ

ତାଙ୍କର ଟାଇଟି ଖୋସା ॥ ୧ ॥

ଦେଖ କଟକିଆଙ୍କର ଦଶା

ତାଙ୍କ ଅଳିଆ କରିବା ପେଷା

ରାସ୍ତାର ଉପରେ ନାଳର ଭିତରେ

ସବୁଠି ଅଳିଆ ଠେସା

ଏଠି କାହିକି ନ ହେବ ମଶା

ଏଠି କାହିଁକି ନ ହେବ ମଶା ॥୨॥

ଦେଖ ରାସ୍ତାଘାଟର ଦଶା

ଦେଖି କଟକିଆ ଲୋକ ହସା

ବରଷା ଟୋପାଏ ଆକାଶୁ ପଡିଲେ

ହୁଏ ରାସ୍ତାରେ ଡଙ୍ଗା ଭସା

କୁହ କେମିତି ହେବନି ମଶା

କୁହ କେମିତି ହେବନି ମଶା ॥୩॥

        ଗୌତମ ଚନ୍ଦ୍ର ପାଣିଗ୍ରାହୀ

Please share this news and like our Facebook page "pranam news" .

Now Pranam news is also available in Twitter.... Please follow and give your opinion...