ଆଫଗାନ୍ ପୋଲିସ ମୁଖ୍ୟଙ୍କୁ ନିର୍ମମ ଭାବରେ ହତ୍ୟା: ଆଖିରେ ପଟି ବାନ୍ଧି ଆଣ୍ଠେଇ ବସାଇବା ପରେ ଗୁଳି କଲା ତାଲିବାନ
ଆଫଗାନିସ୍ତାନରେ ତାଲିବାନ କ୍ରୁରତାର ସବୁ ସୀମା ପାର କରିଦେଇଛି। କ୍ଷମତା ପାଇବା ପରେ ଦେଶର ଲୋକଙ୍କ ଉପରେ କରି ଚାଲିଛି ଅତ୍ୟାଚାର। ଏବେ ଆଫଗାନ ପୋଲିସ ମୁଖ୍ୟଙ୍କୁ ଅତି ନିର୍ମମ ଭାବରେ ହତ୍ୟା କରିଛି ତାଲିବାନ । ତାଲିବାନର କମାଣ୍ଡୋ ବଦଗୀଶ ପ୍ରଦେଶରେ ପୋଲିସ ମୁଖ୍ୟ ହାଜି ମୁଲ୍ଲା ଅଚକଜଇଙ୍କୁ ଧରିବା ପରେ ତାଙ୍କୁ ଅତି ନିର୍ମମ ଭାବରେ ହତ୍ୟା କରିଛନ୍ତି। ହତ୍ୟା କରିବା ସମୟର ଏକ ଭିଡିଓ ମଧ୍ୟ ଭାଇରାଲ ହେଉଛି। ତେବେ ତାଲିବାନ ନିଜେ ଏ ସମ୍ପର୍କରେ କୌଣସି ବୟାନ ଜାରି କରିନି। ତାଲିବାନ ଆମେରିକା ସେନା ଓ ଅଶରଫ୍ ଗନି ସରକାରଙ୍କୁ ସାହାଯ୍ୟ କରୁଥିବା ଲୋକଙ୍କୁ ଘର ଘର ଯାଇ ଖୋଜୁଛି। ଏବଂ ଧମକ ମଧ୍ୟ ଦେଇଛି ।
ଶହୀଦ ପୋଲିସ ମୁଖ୍ୟଙ୍କ ବନ୍ଧୁ ନାସିର ଓ୍ବଜିରି କହିଛନ୍ତି, ଅଚକଜଇଙ୍କୁ ତାଲିବାନୀ କମାଣ୍ଡୋ ଘେରି ଯାଇଥିଲେ। ଏଭଳି ପରିସ୍ଥିତିରେ ତାଙ୍କ ନିକଟରେ ସରେଣ୍ଡର କରିବା ଛଡା ଅନ୍ୟ କୌଣସି ବିକଳ୍ପ ନଥିଲା। ଆତଙ୍କବାଦୀମାନେ ପ୍ରଥମେ ପୋଲିସ ମୁଖ୍ୟଙ୍କ ଆଖିରେ ପଟି ବାନ୍ଧି ତାଙ୍କୁ ଆଣ୍ଠେଇ ବସାଇଥିଲେ। ଏହାପରେ ତାଙ୍କର ମୁଣ୍ଡକୁ ଗୁଳି ମାରି ଦେଇଥିଲେ। ଉଲ୍ଲେଖନୀୟ ଯେ, ହାଜି ମୁଲ୍ଲା ଅଚକଜଇକୁ ତାଲିବାନର ଶତ୍ରୁ ବୋଲି କୁହାଯାଉଥିଲା। ସେ ତାଲିବାନ ସହିତ ବଡ ଯୁଦ୍ଧ ଲଢିଥିଲେ l
ଚାଲିବାନ ଆତଙ୍କବାଦୀ ମାନେ ସମସ୍ତଙ୍କ ସ୍ଵାଧିନତାକୁ ଭଙ୍ଗକରି ବନ୍ଧୁକ ମୁନରେ ପ୍ରଭୁତ୍ଵବାଦ ବିସ୍ତାର କରିବାକୁ ଚେଷ୍ଟା କରୁଛି । ତେବେ ଏତେ ସବୁ ସତ୍ତ୍ଵେ ମଧ୍ୟ ତାଲିବାନ କୁ କିଛି ରାଷ୍ଟ୍ର ବା ବ୍ୟକ୍ତି ସମର୍ଥନ ଜଣାଉଛନ୍ତି ।
ଭାରତର କିଛି ନାଗରୀକ ମାନଙ୍କୁ ଏବେ ସୁଦ୍ଧା ଉଦ୍ଧାର କରାଯାଇଥିଲେ ମଧ୍ୟ ଅହୁରି ଅନେକ ଫସି କରି ରହିଛନ୍ତି । ତେବେ ସରକାରଙ୍କ ପ୍ରମୁଖ କାର୍ଯ୍ୟ ଏବେ ସେଠାରେ ଫସିଥିବା ଲୋକଙ୍କୁ ଉଦ୍ଧାର କରିବା ହିଁ ପାଲଟିଛି ।
Comments
Post a Comment