ଚିରନ୍ତନ ଓ ପବିତ୍ର ବନ୍ଧୁତା
ଭଲ ବନ୍ଧୁଟିଏ ପାଇବା ମୋଟେ ସହଜ କଥା ନୁହେଁ । ସ୍ୱାର୍ଥକୁ ଆଖି ଆଗରେ ରଖି ବନ୍ଧୁତା ସୂତ୍ରରେ ଆବଦ୍ଧ ହେବା ପାଇଁ ଅନେକ ବନ୍ଧୁ ଆଗେଇ ଆସନ୍ତି । ଦୃଢ ମନୋବଳ, ଐକ୍ୟ ଓ ହୃଦୟର ମିଳନରୁ ସୃଷ୍ଟି ହୋଇଥିବା ବନ୍ଧୁତା ହିଁ ଚିରନ୍ତନ ଓ ପବିତ୍ର । କିନ୍ତୁ ବର୍ତ୍ତମାନର ସମୟରେ କେବଳ ଆଉ କେବଳ ସ୍ବାର୍ଥ ହିଁ ବାସ୍ତବ ବନ୍ଧୁତାକୁ ଦୂରେଇ ଦେଉଛି ।
ଏବେ କା ସମୟରେ ଅନେକ ପ୍ରକାରର ବନ୍ଧୁ ବା ସାଙ୍ଗ ମିଳିବେ । ଯେମିତି କି,- ରକ୍ତ ସମ୍ପର୍କ ବନ୍ଧୁ । ଯେଉଁମାନେ କି ନିଜର ସମ୍ପର୍କୀୟ ହୋଇଥାଆନ୍ତି । ଦ୍ଵିତୀୟ ସ୍କୁଲ କିମ୍ବା କଲେଜ ର କିଛି ବନ୍ଧୁ । ଯେଉଁମାନେ ସାଧାଣତଃ ପିଲାବେଳ ର ବନ୍ଧୁ ସାଜିଥାଆନ୍ତି । ଏମାନେ କେବଳ ନିର୍ଦ୍ଧିଷ୍ଟ ସମୟ ପାଇଁ ଉଦ୍ଧିଷ୍ଟ ଥାଆନ୍ତି। ଏହା ପରେ ନିଜ ନିଜର ଭବିଷ୍ୟ ଗଠନ ପାଇଁ ପରବର୍ତ୍ତୀ ସମୟରେ ନିଜ ନିଜ ବାଟ ବାଛି ନେଇ ଥାଆନ୍ତି । ଏହା ପରେ ପୁନର୍ବାର ବନ୍ଧୁତା ହୁଏ ନିଜର କର୍ମ କ୍ଷେତ୍ର ରେ ଯେଉଁ ମାନେ କି ନିଜର କର୍ମକ୍ଷେତ୍ର ରେ ବନ୍ଧୁତା ସୃଷ୍ଟି ହୋଇଥାଏ । ଏହି ଭଳି ଜୀବନର ଅନେକ ସମୟରେ ଅନେକ ପ୍ରକାରରେ ବନ୍ଧୁତା ସୃଷ୍ଟି ହୋଇଥାଏ । କିନ୍ତୁ ଏହା ଭିତରୁ ମାତ୍ର ଜଣେ କି ଦୁଇ ଜଣ ନିଜର ଅତି ଘନିଷ୍ଟ ବନ୍ଧୁ ପାଲଟି ପାରନ୍ତି । ନିଜର ଚିନ୍ତାଧାରା, ପ୍ରକୃତି, ବ୍ୟବହାର କୁ ନେଇ ବନ୍ଧୁତା ରେ ଘନିଷ୍ଟତା ଆସିଥାଏ । ଗୋଟେ ସାଧୁର ବନ୍ଧୁ ସାଧୁ, ଗୋଟିଏ ଚୋର ର ବନ୍ଧୁ ଚୋର ହେବାର ନଜିର ମିଳେ ।
କିନ୍ତୁ ବନ୍ଧୁତା ଯେତେବେଳେ ଯାଇ ମହାନ୍ ହୋଇଯାଏ ଯେତେବେଳେ ଅନ୍ୟ ପ୍ରତି ନିଜକୁ ସମର୍ପିତ ମନୋଭାବ ଆସେ । ଜାତି, ଧର୍ମ, ବର୍ଣ୍ଣ, ଅର୍ଥ, କାମ, କ୍ରୋଧ ନିର୍ବିଶେଷରେ ଯେ ନିଜର ପ୍ରତିପକ୍ଷ ବନ୍ଧୁକୁ ସମର୍ଥନ ସହଯୋଗର ହାତ ବଢ଼ାଇବା ହେଉଛି ପ୍ରକୃତ ବନ୍ଧୁତା ର ପରିଚୟ । ବନ୍ଧୁତା ବିଷୟରେ ଆମେ ଯେତେ ବେଳେ ଆଲୋଚନା କରିଥାଉ ସେତେବେଳେ ଆମ ଦୃଷ୍ଟିକୁ ଆସେ କୃଷ୍ଣ ସୁଦାମା ଙ୍କ ବନ୍ଧୁତା । ଭଗବାନ୍ ଶ୍ରୀ କୃଷ୍ଣ ଏତେ ବଡ଼ ସମ୍ରାଟ ହୋଇ ମଧ୍ୟ ସୁଦାମାଙ୍କ ପାଖରେ ସେ କେବଳ ଜଣେ ସାଧାରଣ ସାଙ୍ଗ ହିଁ ହୋଇଯାଇଥିଲେ । ଏବଂ ନିଜ ଦରବାର କୁ ଅତି ସସନ୍ମାନେ ସମସ୍ତ ପ୍ରଜାଙ୍କ ସମ୍ମୁଖରେ ପାଛୋଟି ନେଇ ବନ୍ଧୁତା ର ଉଦାହରଣ ସୃଷ୍ଟି କରିଥିଲେ ।
କିନ୍ତୁ ବର୍ତ୍ତମାନର ଯୁବପିଢି ନିଜର ସ୍ବାର୍ଥ କୁ ଦୃଷ୍ଟି ରେ ରଖି ବନ୍ଧୁତା ର ହାତ ବଢେ଼ଇବା ପାଇଁ ଚେଷ୍ଟିତ ରହୁଛନ୍ତି। ଯାହା ଏକ ସୁସ୍ଥ ବନ୍ଧୁତା ଗଠନ ରେ ବାଧା ସୃଷ୍ଟି କରୁଛି । ଏବଂ ପରବର୍ତୀ ସମୟରେ ବନ୍ଧୁତା ଭାଙ୍ଗି ମଧ୍ୟ ଯାଉଛି ।
ସେ ଯାହା ହେଉନା କାହିଁ ଭାରତୀୟ ପରମ୍ପରାରେ ଦୃଢ ମନୋବଳ, ଐକ୍ୟ ଓ ହୃଦୟର ମିଳନରୁ ସୃଷ୍ଟି ହୋଇଥିବା ବନ୍ଧୁତା ହିଁ ଚିରନ୍ତନ ଓ ପବିତ୍ର ହୋଇଥାଏ । ଏହାହିଁ ସତ୍ୟ ।
ଲେଖକ - ସତ୍ୟବ୍ରତ ପାଣିଗ୍ରାହୀ
ଲେଖାଟି ଭଲ ଲାଗିଲେ ନିଜ ସାଙ୍ଗକୁ share କରାନ୍ତୁ...
Comments
Post a Comment